ا
السلام عليكم ورحمة الله وبركاته
ان شاء الله الكل يكون بخير وصحة
وصفة اليوم هي لحلوى العرايش
راح اخليكم مع الصور ومقادير الوصفة
مقادير الوصفة هي
3 كيلات فرينة
كيلة مارجرين زبدة نباتية
قرصة ملح ناعم
سكر فانيليا وملعقتين كبار سكر ناعم
والقليل من الماء مخلط مع ماء الزهر لخلط العجينة
والحشو هي
اللوز مرحي كيلتان وكيلة من السكر الرطب
وملعقتين مارجرين وماء الزهر للم الحشوة
والقليل من سكر الفانيليا
والان نجي للطلية الكلاساج وهو كالتالي
كاس صغير انتاع لحليب
و عصير حبة قارس انا نستعمل نص حبة قارس
وتضيفي السكر المرحي حتى تتحصلي علي القوام المطلوب
وتقسمي عندك الخليط وتلوني الالوان اللي تفضليها
وتضيفي العطر المطلوب عني انا نضيف شوية
فاني وخلاص والملون واهم شيء انك تخلطي مليح حتى
يمتزجز مليح وتتحصللي على القوام المطلوب
وبعدين لما تنضج عندك حلوة لعرايش
تخليها تبرد وبعدين تعمليلها الكلاساج
وتخليها تجف وبعدين تعمللي للون تاني
من الكلاساج اللي عندك وتلوني من فوق مرة تانية مستعملة
الاشكال اللي تحبي لتزين الحلوة انتاعك
ان شاء الله نكون افدتكم بهاذ الوصفة
وبصحتكم
المشاركات
hadou 3rayech ta3 essah . ana dirt l3rayech f l3id li fat mais jatni etalia khefifa bzaf wech lazem ltalya bach tji tkila???????????????????????????
ردحذفاهلا انغام وبالنسبة للطلية باش تثقال لازملك اتزيديلها السكر الرطب باش تولي ثقيلة اكثر
ردحذفشكرا لك هذه الحلوة من الحلويات الشرقية وانا من الشرق
ردحذفشكرا لكم على التعليق ومتشرفة بيكم واذا كنتي تقصدي الشرق الجزائري انا تاني من الشرق الجزائري
ردحذفأنا شراولي هذاك الطابع و معرفتش واش ندير بيه و درك عرفت صحيتي ربي يخليك
ردحذفروعة
اهلا بيكم وياريت ذكرتو اسمكم
ردحذفبالنسبة لهاد الطابع انا تاتني كان عندي ولقيتو مناسب لعمل لعرايش فاغتنمت الفرصة واستعملتو لاعطاء شكل دقيق للعرايش ...... وتقدري تستعمليه في اشكال ثانية مثل حلوة المشكلة
تقبلي تحياتي
yaatik saha mais talia nta3ak rahi khfifa normalement matkounech transparente
ردحذفالله يسلمك .......بصح القلاساج ماشي خفيف يمكن ايبانلك برك كان ثقيل
حذفاشاء الله
ردحذفحلويات رائعة ما شاء الله بس يا ريت تعطينا المقادير بشكل صحيح وجزاك الله كل خير ويسلمو ايديك
ردحذفسلام
شكرا لتعليقك وبالنسبة للمقادير فهي واضحة لم افهم سؤالك اختي كيف بشكل صحيح
حذف