اهلا وسهلا بلجميع في مدونتي الثالثة اتمني انها تكون في المستوي المرجو ساخصصها بأذن الله لعمل الحلويات
العربية وخاصة الجزائرية منها وقد سبق لي تصوير طريقة عمل الحلويات في مدونتي الثانية
العربية وخاصة الجزائرية منها وقد سبق لي تصوير طريقة عمل الحلويات في مدونتي الثانية
http://souhad.blogspot.com فهي منوعة بتنوع مواضيعها وليست مختصة كما انني اردت بهذه المدونة
مساعدة زائريها ولو بالقليل من معرفتي بهذا المجال في عمل الحلويات العربية بشكل عام والجزائرية بشكل خاص
وحتي يسهل عليهم اجاد ما يبحثون عليه من نوع محدد من الحلويات
ونصيحتي لكل زائر لهده المدونة هو التيقن ان لكل واحد فيكم روح حب تعلم عمل الحلويات حتما راح يتعلمها
ويتقنها ولما لا لان الارادة هي اللي تخلينا ننجح فيما نريد وكل شيء سهل يكفينا فقط تعلم كيفية عمله
ولا يجب علينا الفشل او اليأس لما نفشل مرة في عمل صنف من الحلويات يجب علينا المثابرة
ونعيد عملها مرة بعد مرة حتي اتقانها ونصيحتي الثانية هي عند عمل اي نوع جديد علينا يستعمل
في وصفته اللوز نعوضه بالفول السوداني لانه اقل تكلفة من اللوز
وفي النهاية اتمني للجميع النجاح في تطبيق كل وصفة موجودة في مدونتي
تقبلو تحياتي اختكم سهاد
المشاركات
شكرا أختي سهاد علا روحكي ضيبا ومرحا نتيا نقصتي عليا بزاف حوايج أول منطلش نبحث في أنترنت بغسكو كاين خطرا ميخرجوش وممفهومينش وثانيا نقصتي عليا من شري نتاع لكتوبا نتاع حلوي صراحتا معنديش درهم هههههه بصح نتيا عطيتيهملي بتفصيل تفصيل ممل يعطيك صح وربي يزدك من علمي علما وان شالله نتعلم ونولي نعلم ههههه علاش لا ان شالله وحد يدير لي عليه وبقي علا ربي لي ثاني مرا نشكرك بزاف بزاف بزاف نتيا فتحتلي باب ثاني في دنيا هدي ربي يطول في عمرك ويخليلك ولادك وولديك وحبابك وزوج نتاعك وربي يفرحك كما فرحتيني ولله صرحتا لي كيفك قلال في وقت هادا تهلا ي في روحك ونهاركي سعيد ياختي سهاد نتيا ختي لي ملقتهاش في دنيا هدي =حنان=
ردحذفشكرا لك اختي حنان علي كلامك الطيب واي سؤال انا حاضرة اذا كان بامكاني الاجابة عليه وتشرفني زيارتك وان شاء الله تجدي ما تبحثين عليه وانتضريني في المزيد من الحلويات
ردحذفاتمني لك الاستفادة وقضاء وقت ممتع رجائي الوحيد دعوة لي و لعائلتي ولابنتي المعاقة بالشفاء والستر
تقبلي تحياتي
سلام أختي سهاد واش راكي لاباس تعرفي شوفت تصوير نتاع بنتك ولله شابا وتهبل ولله وان شالله تشفا باءدن لله وحد يصبر ويدعي وأكيد في كل صلاة نصليها راح ندعي لختي صغيرا هبة جميلا وحبيبة لحاجا دي تجي من ربي سبحانو أكيد شفا راح يكون ثنيك من عنده وان بعد صبر يأتي فرج هد مثل ينطبق ثنيك عليا لأني أنا ثنيك راني صبرا علا ضروف لي عيشتها ودايمن نقول لحمد لله بسكو بنسبا ليا راني عيشا كاين لي مرهش جبر واش ياكل ولا وين يرقد ولا واش يالبس هنا نحمدو ربي سمحلي ختي سهاد ادا طولت عليك مي معنديش لمن نحكي ولا شكون لي يسمعني مهم ان شالله نتعلم ومشكلا لي عندي أنا نبغي نخدم لحلويات مي سولحها معنديش مثلا بطور يعني ألة لي تخدم بيها معنديش وضروفنا شويا صعيبا وبابا تعرف شايدير يجبنا شكارا نتاع فرينة ويقلي خدمنا لحلوا عندبله لحلوي تخدم بفرينا وماء وزيد أنا منعرف ولو وGATEAUلازم تقيمه بسولحه مي لله غالب مهم نتيا ولله درتي فيا مزيا وراكي ديري لي عليك وبزيادا نتنا تنيك يحسن عونك دار ولولاد وزيد راكي ترضي في كامل ناس ماشي غير أنا ربي يخليلك صحتك برك صحا تبقاي علا خير ختي سهاد وسلملي بزاف علا صغيرا أموراتي هبة وولادك كامل ونهارك سعيد وان شالله تفرحنا لخطرا ليوم
ردحذفاهلا حبيبتي حنان وفرحت كيشفتك دخلتي المدونة انتاعي والله ماكان حتي مشكل تقدري تهدري معايا في اي وقت تحبي وادا حبيتي تكتبيلي علي الايمايل انتاعي ماكانش اي مشكل واحنا خاوة عند ربي والله يفتح عليكم وعلي جميع المومنين ويعطيك الصحة علي دعوتك ليا ولبنتي وانا راضية وفرحانة بيها ونعتبرها نعمة من عند ربي عطاهالي وفضلني بيها علي غيري من البشر ولكن خوفي عليها هو مشكلتي من الناس لا يضروها لانها ما تعرفش تفرق ما بين الخير والشر وممكن بكل سهولة يضروها وزيد انا ماراحش ندوملها ,,,,المهم ربي معاها ومع جميع ولاد المومنين
ردحذفوبالنسبة للحلوي ممكن تعملبها بلبيض والفرينة والسكر مش لازم الجوز واللوز تقدري تعملي موسكوتشو او لكروكي ولا حلوة الطابع بزاف بنان تعرفي انا هنا في داري نحبوهم كتر من الحلويات الثانية وبلا ما ننسي المقروض فتحضيرهم ما يتطلبش بزاف لوازم غالية
وخسارة لو كنت جارتكم ههههههههه لوكان شبعتكم حلويات الله يحفضك حنونتي وسلميلي علي اهلك
emmmmm !!!!!!! ca ce voit que c'est delicieux..... good work misses
ردحذفthank you racha
ردحذفسلام ختي سهاد عطليي ايميل نتاعكي ولله منعرفه ادا سمحتي هاك كي خصني حاجا نقولهلك ولله صراحتا ياريت كنتي جارتنا هههه كنت راح نكون محطوط بزاف بغسكو نتنا لي ميعرفكش لازم يعرفك ولله
ردحذفاهلا حنان وانا لما بعتلك ايمايل من مدة راهو جاك اكيد بلادريس ايمايل انتاعي ولا ما وصلكش ,,,,,,,, المهم درك نبعتلك رسالة علي الايمايل انتاعك وتشوفي الايمايل انتاعي تهلاي في روحك حنونتي
ردحذفيعطيك الصحة راكي فنانة ما شاء الله
ردحذفنتمنى نشوفو المزيد من ابداعاتك اختي سهاد
السلام عليكم و رحمة الله تعالى و بركاته
ردحذفالف الف مبروك المدونة الجديدة سهاد عقبال ان شاءالله انشاء كتب طبخ و حلويات انت حقا امراة مثابرة و محبة لشغلها اكيد و خصوصا انك تحاولي تساهمي في تعليم الاخوات الي ما عندهمش خبرة في هذا المجال و ان شاءالله ربي يكتبه في ميزان حسناتك و يفرحك ربي باولادك و بهبهوبة الحبوبة و كل عائلتك
تهلاي في روحك و انا دائما معك سلامي الحار لك مواااااااااااح
اهلا اختي اوراسية ويعطيك الله ما تتمناي يارب فرحتني زيارتك واهلا وسهلا بيك
ردحذفوعليكم السلام ورحمة الله وبركاته الله يبارك فيك يا الغالية اختي ام فريد والله كلامك نزل علي قلبي مثل البلسم وفرحني
ردحذفالله يفرحك ويفتح الابواب قدامك وكل مشاكلك تنحل وتولي من الماضي يا رب وشرفتني زيارتك
انت تستاهلي ختي سهاد
ردحذفوراكي مبدعة بحق
واكيد الخوات راح يتعلموا منك كثير وانا اولهن
merci beaucoup souhad pour tes delisieuse recettes stp je veus faire kalb ellouz mais je ne reussi jamais votre aide sera tres aprecier
ردحذفاهلا بكم في مدونتي وشكرا علي مدحكم وبالنسبة لسؤالكم عن قلب اللوز ان شاء الله اعملو قريبا وانزل طريقة عملو في مدونتي هذه /http://souhad.blogspot.com
ردحذفmerci beaucoup
ردحذفماشاء الله عليكي أختي سهاد وربي يوفقك راكي مبدعة وأعجبت بمدونتكي كثيرا وإن شاء الله نجرب من حلوياتك وأنقولك النتيجة
ردحذفاهلا حبيبتي انغام واي سؤال اني حاضرة
ردحذفاهلا بيك اختي سوفية وشرفتني زيارتك حبيبتي في مدونتي ههههههههه اني نستنى في تطبيقك ما تنسايش
ردحذفتهلاي في روحك حنونتي
حبيبتي سهاد ماشاء الله عليم حنونتي ربي يبعد عليك العين يارب قمة وتحفة ربي يحفظلك ولادك وربي يشفيلك بنتك ياررب وربي ياجرك على واش راكي ديري
ردحذفmachallah yaatik saha vous avez un trés beau blog rabi ykemel nchallah
ردحذفالله يسلمك حبيبتي ام بثينة ويخليلك وليداتك والله يحفضلك كل عايلتك وتعيشي على كلامك الطيب
ردحذفالله يسلمك اختي سعاد وشكرا على كلامك الطيب يا طيبة وشرفتني زيارتك ومدونتك تاني رائعة
ردحذفالسلام عليكم حبيبتي سهاد و مبروك على المدونة الجديدة هذا وين شفتها !! نتمنى ربي يوفقك و يجازيك لأنك تعيني أخواتك على صنع الحلويات و بطريقة بسيطة و بشرح رائع و راكي درتيلي الحماس باش نبدى نشطار و نتعلم ههه و التطبيق راح نحطو في المنتدى بإذن الله ربي يحفظك و يحقق أمنياتك
ردحذفوعليكم السلام يا احلى وفاء والله يبارك فيك والله يسلمك على كلامك الطيب مثلك يا طيبة واللهم امين ويوفق جميع
ردحذفالمومنين وهاني نستنى وريلي تطبيقاتك في منتدانا
Very shorts, simple and easy to understand, bet some more comments from your side would be great
ردحذفالله عليك يا سهاد
ردحذف1 / نشكرك على الترحيب
2 / نشكرك على التواضع الجميل
3 / نشكرك على النصائح الجميلة
اتمني ان اصبح مثلك لاني احب الطبخ كثيرا وعمل الحلويات
انتي القدوى المثلى باذن الله
باك الله فيك وفي يديك وفي مدونتك
Thank you for your comment Fishcake
ردحذفالله يسلمك اختي titoma وشرفتني زيارتك و1 و2 و 3 انت اللي طيبة وتشوفي كلشي جميل مثلك يل احلى titoma
ردحذفوان شاء الله تولي خير مني في كلشي ماشي غير في الطبخ والحلويات
وفيك البركة حبيبتي
السلام عليكم اختي سهاد انا غير اليوم انتبهت كاين مدونة باين عندك حلويات هائلة مزال مخلتش فهموني برك كيفاش ندخل انشوف اول مرة ندخل الي مدونات
ردحذفاهلا بيك اختي خنساء سوفية ومرحبا بيك عندي وبالنسبة لدخولك للمدونة ساهل مثل الموقع والمنتديات ما فيش فرق شرفتيني
ردحذفاختك سهاد
السلام عليكم و رحمة الله تعالى و بركاته
ردحذفكيراكي سهاد اختي و كيراهم الاولاد لاباس و الله توحشتك بزااااااف علاش مراكيشتدخلي المنتدى خطرة على خطرة طمنينا عليك و على هبة تهلاي في روحك حبيبتي و سلميلي على نجود بزاااف بزااااااااف و قليلها علاش هذا الغيبة اختك ام فريد
سهادواش ختي غايا واش راه ولادك وهبة سمحلي مرنيش ندخل للفايسبوك بغسكو خوتي ميخلونيش ندخل قالولي ماشي مليح أنا خلتلك مساج علا فايسبوك معلاباليش الا قريته مهم أنا غدي نخليلك ايميل نتاعي نتاع أمسان باه الا بغيتي هكدا خير هكدا نخليك دي مساج نتي تنيك HANAN155@LIVE.COM تهالي في روحك وربي يعونك
ردحذفما شاء الله ربي يبارك
ردحذف